[ad_1]
IBSA EJJENNOO BAKKA BUUTOTA KIRISTAANOTA GODINA BUUNNOO BEDDELLEE
Nuti Kiristaanonni Godina Buunnoo Beddellee Sababa Nama Afaan keenyaa fi Aadaa Keenya beekee nu tajaajilu dhabneef Obboloota Hedduu dhabneerra, Dhabaas Jirra. Kun immoo Amantaan keenyi akka Amantaa saba tokkootti fakkeeffamaa ture, fakkeeffamaas jira. Kanaafuu, Dhimma tajaajilaa fi Tajaajilummaa ilaalchisee Ibsa Ejjennoo Abbaa Qabxii saddetii akka kana gadiitti baafannee jirra.
1. Tajaajilaa Afaan keenyaa fi Aadaa keenya Beekuun Malee hin Tajaajilamnu.
2. Murtee Sinoodoosii Oromiyaa fi Sabaaf Sablammoota Itiyoophiyaa Kamiyyuu ni fudhanna.
3. Murtee Sinoodoosiin Itiyoophiyaa Abboota Saba tokkoon haguugameen Murtaa’e Kan Abbootni Keenya Kan Akka Abbaa Saawuroos, Abbaa Ewusxaaxoos(Dr) fi Abbaa Zeenaa Maarqoos Irratti walii hin galle Kamiyyuu hin fudhannu.
4. Akka Seera mana Amantaatti Muudamni Lammaffaa Waan hin Jirreef Qaama Muudama Abboota irra deebinee muudna jedhan hin fudhannu.
5. Abbaan Nuuf Ramadaman Abbaan keenya Abbaa Alaazaar akka nuuf dhufanii nu eebbisanii fi nu tajaajilan barbaadna. Kanaafuu, mootummaanis Yaada uummataa Fudhatee deeggarsa barbaachisu akka taasisu ni gaafanna.
6. Tajaajila Kamiyyuu Afaan Dhageenyu Afaan Oroomoodhaan Malee kan hin tajaaajilamne ta’uu Qaama kamiyyuu hubachiisuu feena.
7. Tokkummmaa mana Amantaaf jecha Waliigaltee Muummicha Ministeeraa Biratti Taasifame akka raawwatuuf Murtee Sinoodoosii Itiyoophiyaa eegaa turreerra. Garuu, Sinoodoosiin kun Saba tokkoon haguugamee haqa dhiisee Murtee Shiraan xaxame Waan Murteesseef Murtee Afuura Qulqulluun gaggeeffame jechuu hin dandeenyu. Kanaafuu, Jaalalaa fi Yaada Afuura Qulqulluudhaan Jiraachuu Barbaadna Waan ta’eef Paatiraarikiin Sinoodoosii Oromiyaa fi Sabaaf sablammoota Itiyoophiyaa akka nuuf Muudamu gaafachuuf ni dirqamna.
8. Ammaan Booda Kan Bullu Mana Lubummaa oromiyaa ykn Sinoodoosii Oromiyaa fi Sabaaf Sablammoota Itiyoophiyaadhaan Malee Qaama kamiifiyyuu kan hin bulle ta’uu ni mirkaneessina.
[ad_2]
Source link
GIPHY App Key not set. Please check settings