Hawaasni Oromoo biyya Saa’ud Arabiyaa magaalaa Riyaad haleellaa gareen faannoofi milishaa Amaaraa humna waloo ximmir xoor jedhamuu wajjiin ta’uun ummata Oromoo irratti banan balaaleffate.
Ibsa balaaleffannaa baasan kana keessatti roorroon kallattii hundaan Oromiyaatti banamtee jirtu akka xumura argattu ibsuun ummata Oromoo sarbamni mirga namoomaa irratti raawwatamaa jiru tumsuufi akka qaban hubachiisaniiru.
Hawaasichi marii guyyaa kaleessaa jechuunis Muddee 9 bara 2022 taasiseen haala waliigala yeroo ammaa Oromoofi Oromiyaan keessa jirtu ilaalchisuun ibsa abbaa qabxii torbaa baafatee jira.
Qabxiin torban isaan ibsa kana keessatti qabatan ajjeechaan ummata Oromoo irraa haadhaabbattuu, daangaan Oromiyaa bakkoota garaagaraan saamtotaan weeraramaa jiru haa kabajamu, Oromoon qe’eef qabeenya isaa irra haa jiraatu kan jedhu faa dha.
Kana malees mootummaan biyya bulchaa jiru saffisaan faannoo Oromiyaadhaa akka baasuu fi haleellaa diroonii uummata nagaa irratti raawwataa jiru akka dhaabu gaafatniiru.
Dhalattoonni Oromoo caasaa nageenyaa mootummaa keessa jiran immoo uummata isaanii cinaa akka dhaabbatan hawaasni Oromoo magaalaa Riyaad gaafatee jira.
Hawaasni Oromoo magaalaa Riyaad ilmaan Oromoo haleellaa humnoota faannootiin qe’ee fi qabeenya isaanirraa buqqa’anii dararamaa jiran diinagdeen gargaaruuf waadaa galaniiru.
GIPHY App Key not set. Please check settings