Faawundeeshiiniin Odaa Roobaa deeggarsa namoomaa ummata godina Baalee aanaa Laga Hidhaa keessatti beela’eef taasise. – OMN

Faawundeeshiiniin Odaa Roobaa deeggarsa namoomaa ummata godina Baalee aanaa Laga Hidhaa keessatti beela’eef taasise.

Faawundeeshiniichi deeggarsa hawaasa Sikkoo Mandoo biyya Kanaadaa magaalaa Edmantan irraa itti ergameen miidhaan nyaataa bituun ummata beela’eef deeggarsa taasisuu isaa ibse.

Deeggarsi kun kan taasifame hawaasaa rakkoo nageenyaa fi hoongeetiin aanaa Laga Hidhaa gandoota akka Jaarraa Abbayyii fi Adeellee irraa buqqa’anii magaalaa Beeltuu keessa buufatan yoo ta’u, Abbootii Warraa 400f daakuu kuntaala dhibba tokko arjoomee jira.

Mallaaqni deeggarsi kun ittiin bitame hawaasa Sikko-Mandoo biyya Kanaadaa magaalaa Edmantan jiraataan irraa kan ergame yoo ta’u, dhaabbanni gargaarsa namoomaa Faawundeeshiinii Odaa Roobaa jedhamu birrii kuma 300 fi kuma 69n deeggarsicha bituun hawaasa biraan gahee jira.