Duulli Twitarii ajjeechaa jumlaa humnoonni shororkeessitootaa Faannoo fi hidhattoonni Amaaraa aanaa Amuruu magaalaa Agamsaatti raawwatan balaaleffatu har’a galgala adeemsifamuuf jedha.
Qindeessitoonni duula Twitarii kanaa, Oromoota nagaatu qe’ee isaaniitti duguuggaan irratti raawwatamee jedhan.
Humnoonni shororkeessitootaa Faannoo fi hidhattoonni Amaaraa biroon meeshaa ammayyaa hidhachiifamanii fi leenjifamanii naannoo Amaaraatii bobbaafaman waggaa caalaaf uummata Oromoo aanaalee godina Horroo Guduruu Wallaggaa keessaa ajjeesaa, buqqaasaa fi qabeenya isaa mancaasaa turuu yaadachiisanii, shororkeessitionni kunneen gochaa badii isaanii itti fufuun ajjeechaa jumlaa kanatti cehuu eeraniiti jiru.
Duula twitarii kanaan gochaa suukkaneessaa magaalaa Agamsaatti uummata nagaa irratti raawwatame hawaasa addunyaatti ni saaxillaa jedhan.
Duula twitarii kana irratti dhalattoonni Oromoo akkasumas warreen mirga dhala namaaf falman akka hirmaatan qindeessitoonni yaamicha dhiheessaniiti jiru.
GIPHY App Key not set. Please check settings