Ajajoonni waraanaa mootummaa Itoophiyaa fi kan humnoota Tigraay har’a Keeniyaa Naayiroobiitti waliigaltee mallatteessan. – OMN

Ajajoonni waraanaa mootummaa Itoophiyaa fi kan humnoota Tigraay har’a Keeniyaa Naayiroobiitti waliigaltee mallatteessan.

Waliigaltee kana gama mootummaa Itoophiyaatiin itamaajoorii shuumii Raayyaa Ittisa Biyyaa Itoophiyaa Fiild Maarshaal Birhaanuu Juulaa, gama humnoota Tigraayin immoo ajajaan humnoota Tigraay Leetinaal Jeneraal Taaddasaa Warradaatu mallattesse.

Akkaataa waliigaltee kanaatiin gartuuleen lameen diinummaan walbarbaaduu irraa dhaabbachuuf waliigalaniiti jiru.

Gama humnoota Tigraay hidhannoo hiikkachiisuutiin immoo, waliigalteen kun Raayyaa Ittisa biyyaatiin ala humnoonni alaas ta’ee kan biroon naannoo Tigraay ni bahu, humnoonni Tigraayis meeshaalee waraanaa ni hiikkatuu jedha.

Mootummaan federaalaa immoo akkaataadhuma heera mootummaatiin gahee mootummaa federaalaa akka taphatu waliigalameeti jira.

Kana malees eegumsi lammiilee nagaatiif akka taasifamu, gargaarsi namoomaas bakkeewwan gargaarsa barbaadaniif akka dhaqqabu waliigalameeti jira.

Gartuuleen lameen akkaataa fi yeroo waliigalteen kun hojii irra oolu ilaalchisuunis waliigalanii mallatteessaniiti jiru.