Ada’aa Bargaatti Oromoon humnoota mootummaan jumlaan rashaname jedhame. – OMN

Ada’aa Bargaatti Oromoon humnoota mootummaan jumlaan rashaname jedhame.

Godina Shawaa Lixaa aanaa Ada’aa Bargaatti humnootiin mootummaa uummata nagaa irratti haleellaa bananiin namoota 46 caalaa ajjeesuu maddeen keenya naannichaa himan.

Maddeen keenya naannichaa OMNtti akka himanitti, namoonni ajjeefaman waraana waliin hidhata wayiituu kan hin qabnee dha.

Maqaan namoota nagaa aanaa Ada’aa Bargaa gandoota Caancoo Birraatee fi Tuulii Daseetti ajjeefamanii yeroof nu bira gahe:-

1.Angaasuu Abbabaa – Ga’eessa

2.Tolaa Daffaar – Dargaggeessa

3.Botee Zawudee – Manguddoo

4.Girmaa Diroo – Manguddoo

5.Didhaa Galmeessoo -Manguddoo

6.Hundee Tufaa-Manguddoo ijaan hin agarre

7.Mallisee Caalaa -Ga’eessa

8.Bayyuu Diribaa -Manguddoo

9.Kabbee Daadhii-Manguddoo

10.Bojaa Didhaa-Ga’eessa

11.Xilaahuun Biyyaanoo- Manguddoo

12.Asheetuu Tulluu-Manguddoo

13.Zawuduu Asheetuu-Ga’eessa

14.Mootii Baacaa-Ga’eessa

15.Mootummaa Daadhii-Manguddoo

16.Mangistuu Nurgii-Ga’eessa

17.Caalaa Tufaa-Manguddoo

18.Bokii Dirribaa-Dargageessa

19.Didhaa Kabbadaa-Ijoollee

20.Katamaa Tufaa- Manguddoo

21.Manguddoo Haadha Jaalannee jedhamtu

22.Darshoo Abarraa-Daaqonii mana Amantaa

Waraanni Bilisummaa Oromoo Oppereeshiniin Farra Riphee Lolaa maqaa jedhuun labsame uummata nagaa duguuguu irratti kan fuulleffate ta’uu irra deddeebiin ibsaa tureera.

Uummannis humnootiin mootummaa namoota nagaa fixaa akka jiran komataa jira.

Kunis “hawaasa jiilchanii ummataa fi Waraana Bilisummaa Oromoo gargar baasuu” kaayyoo jedhu kan of duubaa qabu ta’uu Sanadni Oppereeshiniin Farra Riphee Lolaa amma dura OMN argatee waa’ee dhimmichaa gabaasaa ture ni akeeka.