in

በመጪው ወራቶች ሰብአዊ ቀውስ ይባባስባቸዋል ተብለው ከሚጠበቁት ሀገራት መካከል ኢትዮጵያ በሁለተኛ ደረጃ ላይ ተቀምጣለች።

[ad_1]

በመጪው ወራቶች ሰብአዊ ቀውስ ይባባስባቸዋል ተብለው ከሚጠበቁት ሀገራት መካከል ኢትዮጵያ በሁለተኛ ደረጃ ላይ ተቀምጣለች።

 

አለም አቀፉ የነፍስ አድን ኮሚቴ (International Rescue Committee) አመታዊውን የአደጋ ሁኔት አስመልክቶ ባወጣው ሪፖርት በመጪው የፈረንጆቹ አዲስ አመት ለሰብአዊ ቀውሶች ተጋላጭ ናቸው ያላቸውን 20 ሀገራት ዝርዝር አውጥቷል።

ሶማሊያ፣ ኢትዮጵያና አፍጋኒስታንም ሰብአዊ ቀውስ ተባብሶ ይቀጥልባቸዋል ከተባሉት ሀገራት መካከል ቀዳሚውን ስፍራ ይዘዋል።

በምስራቅ አፍሪካ የተከሰተው የከፋ ድርቅና በአፍጋኒስታን ያለውን የኢኮኖሚ ቀውስ መበርታት የሶስቱን ሀገራት ሰብአዊ ቀውስ ካባባሱት ምክንያቶች መካከል ይጠቀሳሉ።

በዓለም ዙሪያ በሚሊዮን የሚቆጠሩ ሰዎች የሰብአዊ እርዳታ በሚያስፈልጋቸውና 100 ሚሊዮን ሰዎች በተፈናቀሉበት ሁኔታ ባለሙያዎች የሰሩት ትንታኔ ከዚህ ቀደም የሰብአዊ ቀውሶች ከቁጥጥር ውጭ እንዳይሆኑ ለመከላከል የተነደፉት መንገዶች እንዳልሰሩ ያሳያል።

እንዲሁም ከዲፕሎማቲክ ስምምነቶችና ከጦርነት ህግ ጋር የተያያዙ ፍርድ ቤቶች እስከ  የአየር ንብረት ለውጥ ቅድመ ማስጠንቀቂያና የሰብአዊ እርዳታዎች ድረስ ያሉት ሰብአዊ ቀውስን ለመቀነስ የሚረዱ አማራጮች ብዙም ፍሬ እንዳላፈሩ የአለም አቀፉ የነፍስ አድን ኮሚቴ ሪፖርት ያመለክታል።

በትጥቅ የታገዘ ግጭት፣ የአየር ንብረት ለውጥና የኢኮኖሚ ቀውስም ለሰብአዊ ቀውሱ መባባስ ተጨማሪ ምክንያት ናቸው ተብሏል።

በዚህ የተነሳ የሰብአዊ እርዳታ ፈላጊዎች ቁጥር ካለፈው ዓመት ጋር ሲነጻጸር በ65 ሚሊዮን ከፍ ያለ ሲሆን የተፈናቃዮች ቁጥር ደግሞ ከ100 ሚሊዮን በላይ ሆኗል።

በመሆኑም አለም አቀፉ የነፍስ አድን ኮሚቴ ከፖለቲካ፣ ኢኮኖሚ፣ ደህንነትና የአየር ንብረት ለውጥ ጋር የተያያዙ ቀውሶችን አዳዲስ መንገዶችን በመጠቀም መፍታት እንደሚያስፈልግ አመክቷል።

በዚህም መሰረት ለረሃብና የተመጣጠነ ምግብ እጦት የሚሰጠውን አለም አቀፍ ምላሽ፣ ደካማ መንግስታት ወደ ሀገራዊ ውድቀት የሚሸጋገሩበትን ሂደት ለማስቆም የሚደረገውን ጥረትና በቀውስ ወቅት ግንባር ቀደም ምላሽ ሰጪ ለሆኑ አካላት የሚሰጠውን ድጋፍ በማሻሻል ሰብአዊ ቀውሱ የሚያስከትለውን ጉዳት ለመቀነስ ጥረት እንዲደረግ መክሯል።

እንዲሁም በግጭት ውስጥ ያሉ ሰላማዊ ሰዎችን ከጥቃት መከላከል እንደሚገባ አሳስቧል።

አክሎም ከአየር ንብረት ለውጥና ሰብአዊነት ጋር የተያያዙ የጋራ አለም አቀፍ አደጋዎችን በጋራ መጋፈጥ እንደሚያስፈልግ ጠቁሟል።

[ad_2]

Source link

What do you think?

Aggregated by Ethiopian News Digest

Leave a Reply

Your email address will not be published. Required fields are marked *

GIPHY App Key not set. Please check settings

PM Abiy`S Visit to US Strengthens Ethiopia, Int`l Organizations Relations –

Business: Akobo Minerals makes a third gold discovery at Segele